اسلامک ڈیسک کی جانب سے
مشہور قول کے مطابق واقعہ اصحاب فیل کے 55 دن کے بعد جب ربیع الاول کا مہینہ تھا، بارہویں تاریخ تھی ، پیر کا دن تھا، صبح صادق کی سہانی گھڑی تھی ، رات کی سیاہی چھٹ رہی تھی اور دن کا اجالا پھیلنے لگا تھا، 571 عیسوی کے اپریل کی 20 تاریخ تھی جب مکہ شریف میں اپنی والدہ کے گھر آپ کی ولادت ہوئی۔
(مدارج النبوت، قسم دوم ، باب اول ، 14/2 ملتقطاً)
پرنور ہے زمانہ صبح شب ولادت
پردہ اٹھا ہے کس کا صبح شب ولادت
آپﷺ کے والد گرامی حضرت عبداللہ رضی اللہ عنہ ہیں۔ یہ سیرت وصورت دونوں میں بے مثال تھے۔ ان کا وصال آپﷺ کی ولادت سے قبل 25 سال کی عمر میں ہوا ۔
( مدارج النبوت، قسم دوم، باب اول ، 12/2-14 ملتقطاً)
جبکہ آپﷺ کی والدہ ماجدہ حضرت آمنہ رضی اللہ عنہا ہیں۔ یہ اپنے نسب و شرف میں قریش کی تمام خواتین میں سب سے افضل تھیں۔ والد کے وصال کے بعد انہوں نے اپنے شہزادے کی پرورش کی۔