حضورﷺ کی پرندوں پر شفقت

حدیث

ترجمہ

روایت ہے حضرت عامر الرام سےفرماتے ہیں کہ ہم ان کے یعنی نبی کریم ﷺ کے پاس حاضر تھے کہ اچانک ایک شخص آیا جس پر کمبل تھا اس کے ہاتھ میں کوئی چیز تھی جس پر کمبل لپیٹا تھا عرض کیا ؛یارسول اللہﷺ میں ایک درخت کی جھاڑی پر گزرا تو میں نے اس جھاڑی میں چڑیا کے چوزوں کی آواز سنی میں نے انہیں پکڑ لیا اور اپنے کمبل میں رکھ لیا ،اتنے میں ان کی ماں آگئی وہ میرے سر پر چکر لگانے لگی میں نے اس کے سامنے وہ بچے کھول دیئے وہ ان پر گر پڑی میں نے ان سب کو اپنے کمبل میں لپیٹ لیا وہ سب یہ میرے ساتھ ہیں فرمایا انہیں رکھ دو ،میں نےانہیں رکھ دیا ان کی ماں انہیں چمٹی رہی ،تب رسول ﷺ نے فرمایا کہ کیا تم ان چوزوں کی ماں کی اپنے بچوں سے اتنی مامتا پر تعجب کرتے ہو اس کی قسم جس نے مجھے حق کے ساتھ بھیجا اللہ تعالٰی اپنے بندوں پر اس سے زیادہ مہربان ہے جتنی بچوں کی ماں چوزوں ،پر انہیں واپس لے جاؤ حتی کہ انہیں وہاں ہی رکھ آؤ جہاں سے پکڑا ہے اور ان کی ماں ان کے ساتھ رہی وہ انہیں واپس لے گیا۔

حکایت

اہم نکات

• •پرندے بھی اللہ پاک کی پیدا کردہ مخلوق ہیں ،ان کو تنگ کرنا یا بلاوجہ قید کرنا جائز نہیں ۔
• •ان کا خیال رکھا جائے بالخصوص جس جگہ پر پرندوں کا آنا جانا ہوتا ہے اس جگہ ان کے لئے دانے پانی کا انتظام کیا جائےکیونکہ مخلوق خدا کی خدمت بھی کارثواب ہے۔